Есенски патувања

Истанбул

Автобус 10/13.10.2019

Сараево

Автобус / 5 дена / 2 ноќевања

Острог

10.10 - 13.10.’19 (автобус 3 дена / 2 ноќевања)

Античка Грција

Атина, Коринг, Епидаурус, Нафплион, Микена, Делфи...

Словенија

Љубљана, Блед, Бохињ, Постојна...

Букурешт

Синаја, Брашов, Снагов...

Истанбул

11 октомври

Истанбул

Автобус 10/13.10.2019

Царската престолнина на два континенти

10 Октомври (четврток) СКОПЈЕ – КАВАДАРЦИ – ИСТАНБУЛ
Состанок на групата на паркингот спроти хотелот “Holiday Inn”, во 16:00 часот. Тргнување за Истанбул во 16:30 часот. Во Кавадарци состанок на групата во 17:15 часот на булевар кај гранична Полиција. Во 17:30 часот поаѓање за Истанбул. Се патува преку Р.Грција со попатни паузи. Ноќно возење.

11 Октомври (петок) ИСТАНБУЛ
Пристигнување во Истанбул во утринските часови. Панорамски разглед на градот: Аксарај, Лалели џамија, Бејазитовата џамија, Универзитетот, Римскиот аквадукт, Златниот Рог, Хотелот Пера Палас (каде Агата Кристи го напишала светски познатиот роман Ориент Експрес), плоштадот Таксим, стадионот на Бешикташ, Галата кула, Египетскиот пазар, Јени џамија, Рустем Пашина џамија, Патријаршијата, Сулејманија, Фатих џамија, Капали Чаршија, затворен трговски маркет со сплет од околу 60 улици и 4000 продавници за злато, сребро, кожа и ткаенини… Посета на Вселенската патријаршија. Предлагаме, факултативно возбудливо крстарење со брод по Босфор, под мостовите кои ги поврзуваат Европа и Азија, панорамско разгледување на раскошните палати од двете страни на каналот. Потоа, факултативна посета на Sapphire Seyir Terasi, највисоката „тераса” во Европа висока (238м), од каде се добива прекрасна панорамска глетка на градот, како и можност преку 4-Д симулација да се надлета небото на Истанбул и неговите најзначајни обележја: Босфор, Галата Мостот, Девојачката Кула… Сместување во хотел. Во попладневните часови, факултативна посета на Азискиот дел на Истанбул – Ускудар – Бејлербеј, поминувајќи преку подводниот тунел Мармарас (13.5 км за 4 минути, 60 метри под нивото на водите на Босфор… Европа – Азија) прекрасно место за кафе, да се вкуси прекрасна риба во некои од познатите ресторани на Белербеј. Враќање во хотел преку Босфорскиот мост симболот на Истанбул – Ноќна панорама на Истанбул. Ноќевање.

12 Октомври (сабота) ИСТАНБУЛ – ДОЛМА БАХЧЕ САРАЈ И ПРИНЦЕСКИТЕ ОСТРОВИ
Појадок. Факултативна посета на Долма Бахче Сарај – последната резиденција на Отоманскиот султан, која содржи музејска збирка со непроценливо богатство. Потоа, предлагаме факултативна посета на Принцески Острови (Büyükada, Heybeliada, Burgazada…) – архипелаг од 9 острови кои се наоѓаат во северозападниот дел на Мраморно море, а југоисточно од Истанбул. Опфаќаат површина од 10 km². каде живеат околу 15.000 луѓе, а во летниот период овој број е многу поголем. Пристапот до островите е многу едноставен, главно поради честите бродови кои минуваат покрај секој остров. На самите острови е забранета употреба на моторни возила, а како основно превозно средство се користи коњска кочија. На островите се наоѓаат неколку манастири, академијата на турската воена морнарица… Островите биле голема туристичка атракција уште во времето на Византија. Во вечерните часови, вечера во Национален Ресторан, за незаборавно доживување со уметничка програма на ориентални танци и мени од турската кујна. Ноќевање.

13 Октомври (недела) ВИЗАНТИСКИ И СУЛТАНСКИ ИСТАНБУЛ – МИНИЈАТУРК – СКОПЈЕ
Појадок и напуштање на хотел. Факултативна посета на Сината Џамија со 6 минариња која претставува симбол на градот, прошетка по главниот историски плоштад на Истанбул, Хиподромот, палатата на Ибрахим Паша, прочуената Аја Софија, изградена во времето на владеењето на Царот Јустинијан како најголема византиска црква, подоцна претворена во џамија, а денес музеј, отворен за сите посетители… Прошетка по просторите на Султанот Сулејман Величествениот и стариот султанов дворец Топкапи палата која ги чува приказните за огромното богатство на султаните, опкужена со море од сите страни… Подземната Цистерна Yerebatan Sarayı 14 метри под нивото на земјата, со 9.800м2 површина… Факултативно – посета на МИНИАТУРК – минијатурен парк отворен во 2003 година, со површина од 60000 м2, најголем минијатурен парк во Светот. Паркот содржи 122 минијатурни скуплтури од кои 58 од Истанбул, 52 од Анадолија и 12 од Отоманскиот период надвор од границите на Турција, истите се со размер од 1:25… Програмата продолжува со посета на познатиот шопинг центар Форум, каде се наоѓа големиот Аквариум. Tргнување за Кавадарци / Скопје во попладневните часови. Се патува преку Грција, со попатни паузи. Пристигнување наредниот ден во раните утрински часови.

Цена на аранжманот: 5.520 денари (89 евра)

ВО ЦЕНАТА НА АРАНЖМАНОТ Е ВКЛУЧЕНО:
• Превоз со модерен туристички автобус
• Сместување во хотел со 3*** на база 2 ноќевања со појадок
• Организиран разглед на Истанбул
• Организација на аранжманот и придружник на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:
• Крстарење со брод по Босфор 15 евра
• Посета на Sapphire Seyir Terasi со 4Д проекција 20 евра
• Посета на Азискиот дел Ускудар – Белербеј, низ подводниот тунел Мармарас 10 евра
• Посета на Долма Бахче Сарај (водич, влезница) 25 евра
• Посета на Принцес Острови 15 евра
• Вечера во национален ресторан 30 евра
• Влезници во локалитетите Аја Софија 15 евра, Топ Капи 15 евра
• Yerebatan Sarayı (Потонетата Палата) 10 евра
• Посета на Минијатурк 10 евра
• Доплата за 1/1 соба 800 денари
• Задолжително патничко – здравствено осигурување

Напомени:
– За реализација на аранжманот потребен е минимум од 45 патници.
– За овој програм важат Опшите Услови на патување на Т.А.Балкан Турист Травел Компани.
– Цената на аражманот се плаќа исклучиво во денари во агенција по курс 1€ = 62,00мкд
– Т.А. Балкан Турист Травел Компани го задржува правото да го откаже во целост аранжманот на 7 дена пред поаѓање.
– За време на разгледите во програмата не се предвидени посети на внатрешноста на јавните згради, институции или културни споменици, освен ако тоа не е посебно нагласено во програмата.
– Организаторот на патувањето го задржува правото за промена на програмата (активностите по денови и датуми) за патување во случај на непредвидени објективни причини, како на пр: застој на граница, застој во сообраќајот, затвореност на некој од локалитетите предвиден за посета и сл.
– Патникот има обврска да се јави 24 часа пред поаѓање за да потврди време и место на поаѓање!
– Пасошот треба да важи минимум 6 месеци од завршувањето на патувањето.